Fri. Jul 30th, 2021

News Broadcasting Agency

வடிகால் வாரியத்தின் செயல்பாடுகள் தொடர்பான ஆய்வுக்கூட்டம் அமைச்சர் கே.என்.நேரு தலைமையில் தலைமை அலுவலகத்தில் நடைபெற்றது

தமிழ்நாடு குடிநீர்
வடிகால் வாரியத்தின் செயல்பாடுகள்
தொடர்பான ஆய்வுக்கூட்டம் நகர்ப்புற வளர்ச்சித் துறை அமைச்சர் கே.என்.நேரு அவர்கள் தலைமையில் சென்னை காமராஜர் சாலையில் உள்ள தமிழ்நாடு குடிநீர் வடிகால் வாரிய தலைமை அலுவலகத்தில் இன்று நடைபெற்றது.அதன் பிறகு செய்தியாளர்களை சந்தித்த அமைச்சர் கே.என்.நேரு அவர்கள்

தமிழ்நாடு குடிநீர் வடிகால் வாரியத்தால் செயல்படுத்தப்பட்டு வரும் குடிநீர் மற்றும் பாதாளச் சாக்கடைத்திட்டங்கள், பராமரிக்கப்பட்டு வரும் கூட்டுக் குடிநீர்த்திட்டங்கள், ஆய்வில் உள்ள புதிய குடிநீர் மற்றும் பாதாளச் சாக்கடைத்திட்டங்கள் உள்ளிட்டவற்றை குறித்து தமிழ்நாடு குடிநீர் வடிகால் வாரிய உயர் அதிகாரிகள் மற்றும் பொறியாளர்களுடன் இன்று ஆலோசிக்கப்பட்டது,
செயலாக்கத்தில் உள்ள 51 குடிநீர் மற்றும் 19 பாதாளச் சாக்கடைத்திட்டப்பணிகளை துரிதப்படுத்தி, பணிகளை விரைவில்
முடித்து மக்கள் பயன்பாட்டுக்கு கொண்டு வரும்படி அறிவுறுத்தப்பட்டுள்ளது.

மேலும் பராமரிப்பில் உள்ள
557 கூட்டுக் குடிநீர்த்திட்டங்கள் மூலம் பொதுமக்களுக்கு சீரான
குடிநீர் வழங்கிடவும்,
திருப்போரூரில் நடைபெற்று வரும் ரூ. 42 கோடி மதிப்பீட்டிலான
திருப்போரூர் பேரூராட்சி பாதாள சாக்கடைத்திட்ட பணிகளை கள
ஆய்வு மேற்கொண்டேன்,காலவாக்கதில் கழிவுநீர் சுத்திகரிப்பு நிலையம் அமையவுள்ள இடத்தையும், கழிவுநீர் சேகரிப்பு கட்டமைப்புகளையும்
பார்வையிட்டேன். திட்ட பணிகளை துரிதபடுத்தி திட்டத்தினை
விரைந்து முடித்து மக்கள் பயன்பாட்டிற்கு கொண்டுவர அறிவுறுத்தினேன்.

பருவமழை தொடங்கும் முன்பு பாதாள சாக்கடை திட்டம் முடிவும் என்று சொல்லமுடியாது. விரைவில் பணி நடக்க துரிதப்படுத்தும். குடிநீர் மக்களுக்கு முறையாக கிடைக்கவேண்டும் என்றால்,
குடிநீர் குழாய், மின்சாரம் மற்றும் தண்ணீர் இருக்கவேண்டும்.
இப்படிப்பட்ட நடைமுறை சிக்கல் இருக்கிறது. இவை அனைத்தும் சரிசெய்த பிறகு மக்களுக்கு தண்ணீர் கிடைக்க வழிவகை செய்யப்படும்.

இந்த ஆய்வில் பேரூராட்சிகளின் ஆணையர் ஆர். செல்வராஜ், தமிழ்நாடு குடிநீர் வடிகால்
வாரிய மேலாண்மை இயக்குநர் வ.தட்சிணாமூர்த்தி,
செங்கல்பட்டு மாவட்ட ஆட்சியர் அ.ர. இராகுல்நாத், தமிழ்நாடு குடிநீர் வடிகால் வாரிய பொறியியல்
இயக்குநர். தலைமைப் பொறியாளர், வேலூர் மண்டலம், மேற்பார்வைப்
பொறியாளர், செயற்பொறியாளர் மற்றும் பல அலுவலர்கள் கலந்து
கொண்டனர்.

July 2021
S M T W T F S
« Jun    
 123
45678910
11121314151617
18192021222324
25262728293031